Жаратылыстану, Әлеуметтік және Гуманитарлық Ғылымдар мектебі Америкадан алмасу бағдарламасы бойынша келген студенттердің жаңа тобын қуана қарсы алды

Бүгін Америкадан алмасу бағдарламасы бойынша келген студенттер үшін кіріспе бағдарламасы өтті. Онда университет пен мектеп әкімшілігі университеттің жүйесімен таныстырып қарсы алды.

Іс-шараны студенттік істер және халықаралық қатынастар жөніндегі вице-президент Қадиша Даирова шабыттандыратын сөзімен ашты, университеттің достық және инклюзивті қоғам құруға деген ұстанымын атап өтті. Жаратылыстану, әлеуметтік және гуманитарлық ғылымдар мектебінің деканы Гонзало Хортелано студенттерге қолжетімді академиялық мүмкіндіктер мен ресурстар туралы шолу жасады.

Академиялық мәселелер бойынша вице-декан Андрей Фильченко осы семестрдің академиялық жоспарлары туралы баяндады:
«Бүгін біз Middlebury университетінің үшінші тобының студенттерін қарсы алып жатырмыз. Біз олар үшін керемет бағдарлама дайындадық. Бағдарлама қазақ ұлттық музыкасы, Қазақстанның тарихы мен мәдениетінен бастап, Кеңес кинематографиясы мен әдебиетіндегі шығыстың ерекшеліктеріне дейін қамтиды, сонымен қатар орыс тілін шетел тілі ретінде үйренуге үлкен көңіл бөлінеді».

Сонымен қатар, Студенттер қызметі департаментінің, Халықаралық ынтымақтастық департаментінің, Денсаулық сақтау және әл-ауқат департаментінің, сондай-ақ Қоршаған орта мен еңбек қауіпсіздігі департаментінің өкілдері студенттерге маңызды ақпарат беру және олардың сұрақтарына жауап беру мақсатында іс-шараға қатысты.

«Шетелдік студенттерге арналған орыс тілі бағдарламасы» — бұл студенттерді орыс тілін меңгеруге тереңірек енгізу үшін семестр бойы өткізілетін бастама. Осы семестрде Назарбаев Университеті АҚШ-тың Нью-Джерси, Флорида, Миннесота, Калифорния сияқты түрлі штаттарынан келген 7 студентті қабылдайды.

Бұл бағдарлама Жаратылыстану, әлеуметтік және гуманитарлық ғылымдар мектебі мен Middlebury колледжінің бірлескен жұмысының нәтижесі болып табылады. Осы семестр аралығында алмастыру студенттері орыс тілін оқып, халықаралық қатынастар, ориентализм және қазақ музыкасы мен мәдениетінің тарихы сияқты қызықты тақырыптарды зерттейді. Алмастыру бағдарламасымен жаңа келген студенттерімізге оқуында сәттілік тілейміз!