"Әлеуметтік-гуманитарлық ғылымдар: қоғамдық дискурс" конференцияға өтінімдер беру

2025 жылдың 24 қаңтарында Назарбаев Университетінің Қазақ тілі және түркітану кафедрасы мен Қазақ тілі оқытушыларының халықаралық бірлестігі «Әлеуметтік-гуманитарлық ғылымдар: қоғамдық дискурс» тақырыбында халықаралық ғылыми-зерттеу конференция өткізеді.

Конференцияның мақсаты – халықаралық постколониялық теориялар мен пәнаралық кәсіби тәжірибе алмасу бағытында отандық және шетелдік ғылыми-зерттеу институттарының ғалымдарымен, жоғары оқу орындарының оқытушыларымен, докторанттарымен және магистранттарымен пікіралмасу алаңын ұйымдастыру.

Конференция жұмысының негізгі бағыттары:

1) Ғылыми дискурстағы постколониализм тақырыбы
2) Тарихтану және ұлттық құндылықтар кеңістігі
3) Түркітану ғылымындағы мәдени және тарихи сабақтастық
4) Әдебиеттану ғылымындағы жаңа бағыттар
5) Тілді оқытудағы лингво-мәдени зерттеулер
6) Антропологиялық зерттеулердегі әлеуметтік факторлар

Форматы: офлайн, онлайн (Microsoft Teams)
Конференцияның жұмыс тілдері – қазақ, ағылшын, түрік, орыс
Өтетін орны: Астана қаласы, Қабанбай батыр даңғылы, 53. Назарбаев Университеті.
Өтетін күні: 24 қаңтар, 2025 жыл.
Өтетін уақыты: 10.00 -18.00; түскі үзіліс: 13.00-14.00.
Аңдатпа тапсырудың соңғы мерзімі: 15 қаңтар, 2025 жыл.
Төлем жасаудың соңғы мерзімі: 20 қаңтар, 2025 жыл.

Қатысу және тіркелу тәртібі:

Конференцияға ұсынылатын аңдатпа және өтінім парағы zhbaiteliyeva@nu.edu.kz поштасы арқылы қабылданады.
Жіберу талаптарын - мұнда.
Жіберілетін құжаттың атауын мына үлгіде сақтау керек: «Аңдатпа_Әбілов Айдын».
Конференцияға қатысу – ақылы, әр қатысушыға – 7000 теңге.
Аңдатпасы конференцияға қабылданғандығы туралы хат алған қатысушылар 20 қаңтарғадейін мына сілтеме бойынша https://payments.nu.edu.kz/Conference2024. төлем жасаулары тиіс.

Конференция соңында баяндамашыларға сертификат беріледі.