«ЖАС ҒАЛЫМ - VІ» атты республикалық студенттердің дәстүрлі ғылыми конференция

2024 жылдың 12 сәуір күні Назарбаев Университетінің «Қазақ тілі және Түркітану» Департаменті және Қазақ тілі оқытушыларының халықаралық қоғамдық қорының ұйымдастыруымен өткізілетін «академик Қаныш Сәтпаевтың туғанына 125 жылдығына арналған «ЖАС ҒАЛЫМ - VІ» атты республикалық студенттердің дәстүрлі ғылыми конференциясына Қазақстан университеттерінің студенттері, магистранттары мен докторанттары қатысады.

Конференцияға Қазақстанның 21 университеттерінен 70-дан астам қатысушылар қатысады.

Конференция мақсаты - студенттердің қазақ тілінде академиялық ғылыми ізденістер жүргізу дағдыларын қалыптастыру және дамыту; Жастар арасында қазақ тілінің мәртебесін арттыру; Қоғамның өзекті мәселелерін зерттеу арқылы жастардың бойында тұлғалық белсенділігін дамыту; Еліміздің ЖОО студенттері арасында интеграциялық қарым-қатынасты дамыту.

Конференция жұмысының басты бағыттары - қазақ тіл білімі ғылымы; қазақ әдебиеттану ғылымы; әлеуметтік-гуманитарлық ғылымдар; жаратылыстану, техникалық және медициналық ғылымдар

БАҚ өкілдерінің аккредитациясы үшін жауапты: pressa@nu.edu.kz

Қосымша сұрақтар бойынша: Қазақ тілі және түркітану департаментінің ассоц. профессоры Құсайынова Мейрамгул және ассистент профессоры Жанар Әбдіғапбарова, эл.пошта: zhasgalym@nu.edu.kz

Қосымшада Конференция спикерлері мен бағдарламасы тіркелген.