Сәуір айының 12 жұлдызында 8 аптаға созылған «Ұлы әңгіме» жобасы қорытындыланды. Жобаның жоспарына сәйкес жазушы, ғалым, тарих ғылымдарының докторы, Л. Н. Гумилев атындағы ЕҰУ профессоры Тұрсынхан Зәкенұлымен кездесу кеші өткізілді.
Көлемді әдеби шығармаларды оқыту арқылы студенттердің зерттеушілік қабілеттерін қалыптастыруға, сол арқылы еліміз бойынша оқырмандар желісін жасауға бағытталған жобаны ұйымдастырушы – Назарбаев Университетінің Қазақ тілі мен Түркітану кафедрасы және Қазақ тілі оқытушыларының халықаралық бірлестігі. Жоба аясында Тұрсынхан Зәкенұлының «Аттила. Балқан тауға барғандар» тарихи романын кешенді талдауға Назарбаев Университеті мен Л.Н. Гумилев ат. ЕҰУ Қазақ әдебиеті кафедрасының студенттері мен оқытушылары қатысты.
